د افغانستان کرېکټ ملي لوبډلې د هانګ کانګ شپږاوریزو سیالیو په نیمه پایلوبه کې سکاټلنډ ته په ۲۱ منډو ماتې ورکړه او د سیالیو پایلوبې ته یې لار وموندله.
افغان لوبډلې لومړی توپوهنه وکړه او سکاټلنډ ته یې د ۱۲۲ منډو هدف کېښود.
افغان توپ اچوونکو بیا د هدف په دفاع کې اغېزناکه لوبه وکړه او سکاټلنډ ونه شو کولای ټاکل شوی هدف پوره کړي.
د افغانستان لپاره ګلبدین نایب او کریم جنت یوه-یوه ویکټ واخیسته او په دې سره افغانستان د سیالیو پایلوبې ته ورسېد.
ټاکل شوې، افغان لوبډله سبا د افغانستان پر وخت د غرمې په ۱۱:۴۰ بجو په پایلوبه کې له استرالیا سره مخ شي.