رویټرز خبري اژانس راپور ورکړی، چې د امریکا د ولسمشر ډونالډ ټرمپ او د اوکراین د ولسمشر ولودیمیر زلنسکي ترمنځ اړیکې د روسیې د انرژۍ پر تاسیساتو د اوکراین د بریدونو له امله ترینګلې شوې دي.
د راپور له مخې، ټرمپ له کیف څخه غوښتي چې دغه بریدونه ودروي، خو اوکراین وايي، د روسیې د پرلهپسې بریدونو پر وړاندې د ځواب ویلو لپاره له اوږد واټن ډرونونو کار اخلي.
په ورته وخت کې، زلنسکي ویلي چې امریکايي چارواکو د بریدونو د دوام په صورت کې د استخباراتي معلوماتو د شریکولو د بندولو ګواښ کړی، خو یوه امریکايي چارواکي دا ادعا رد کړې ده.
بلخوا، د سولې ډیپلوماټیکې هڅې روانې دي او ټاکل شوې د اوکراین، روسیې او امریکا استازي د نومبر په لومړۍ نیمایي کې په ابوظبۍ کې سره وګوري؛ خو تر اوسه دغو هڅو کومه څرګنده پایله نه ده لرلې.