د پکتیا د ډنډ پټان اړوند د ډیورنډ کرښې په اوږدو کې د طالب ځواکونو او پاکستاني پوځیانو ترمنځ د نښتې پر مهال د اوو پاکستاني پوځیانو د وژل کېدو او شپږو نورو د ټپي کېدو خبر ورکړل شوی دی.
د طالبانو امنیتي سرچینو راپور ورکړی، چې په دې نښته کې د پاکستاني لوري دوه امنیتي برجونه او یوه څارونکې کمره هم له منځه وړل شوې ده.
د سرچینې په وینا، په ډنډ پټان ولسوالۍ کې لا هم نښتې په وقفهیي ډول دوام لري، خو د جګړې شدت د پخوا په پرتله کم شوی دی.
تر اوسه د دغو تلفاتو او زیانونو په اړه د پاکستان حکومت څه نه دي ویلي.