د ننګرهار امنیه قوماندانۍ ویاند سید طیب حماد له ایلم نیوز سره په خبرو کې ویلي، چې د جلالاباد ښار د انګور باغ په سیمه کې لانجمنه ځمکه شخصي ده او د طالبانو حکومت محکمې دغه ځمکه د دوی ځواکونو ته وېشلې ده.
حماد زیاته کړې، چې په دې پېښه کې د سرې میاشتې د مشر شیخ دلاور کسان لاس نه لري.
د نوموړي په وینا، محکمې هغو اوسېدونکو ته د خپلو کورونو د پرېښودو امر کړی، چې په یاده ځمکه یې په خپل سر کورونه جوړ کړي دي.
تر دې وړاندې داسې راپورونه خپاره شوي وو، چې ګواکې د جلالاباد ښار د انګور باغ په سیمه کې د شیخ دلاور کسان غواړي په زور دغه ځمکه ونیسي.
بل لورې د سیمې اوسیدونکي وایي، د خپلو کورونو رسمي اسناد په لاس کې لري.