آی‌او‌ام: له ایران او پاکستانه راستانه شوي افغانان لومړنیو خدماتو ته اړتیا لري

د کډوالۍ نړیوال سازمان، آی‌او‌ام، په خپل تازه راپور کې ویلي چې د ۲۰۲۳ کال له سپټمبر تر د ۲۰۲۶ کال د اګست تر پایه، له ایران او پاکستانه شاوخوا ۶ نیم میلیونه افغانان افغانستان ته ستانه شوي دي.

راپور وايي، ډېری راستنېدونکي د کار، مناسبې سرپناه، اسنادو او اساسي خدمتونو له کمښت سره مخ دي. آی‌او‌ام ټینګار کوي چې د راستنېدونکو ملاتړ باید یوازې تر لومړنیو مرستو محدود نه وي، بلکې د اوږدمهاله بیا مېشتېدو او اقتصادي ځان‌بسیاینې لپاره هم دوام وکړي.