د مدینې د برېښنا پر مرکز د برید ادعا؛ حوثیان وایي، موږ برید نه دی کړی

رویټرز راپور ورکړی چې د سعودي عربستان په مشرۍ ائتلاف، حوثیان تورن کړي چې د سعودي عربستان په مدینه منوره کې یې پر هغه برېښنا وېش مرکز برید کړی، چې د مسجد نبوي برېښنا هم برابروي.

د ائتلاف په وینا، په دغه برید کې یو ټرانسفارمر له فعالیت څخه لوېدلی، خو د برېښنا عمومي شبکه نه ده ګډوډه شوې او د برېښنا رسونه نه ده پرې شوې.

بلخوا، حوثیانو د سعودي ائتلاف دا ادعا رد کړې او ویلي یې دي چې دوی پر دغه برېښنايي مرکز برید نه دی کړی.