د پاکستان په خیبر پښتونخوا کې د کوهاټ ښار پر پولیسو مرکز د چاودنې او وسلهوال برید له امله د وژل شویو کسانو شمېر ۳۱ ته لوړ شوی دی.
د فرانسې خبري اژانس د یوه لوړپوړي پولیس چارواکي له قوله ویلي، په وژل شویو کې ۱۶ پولیس شامل دي او له ۱۰۰ ډېر کسان ټپیان شوي دي.
د چارواکي په وینا، دغه وسله واله نښته له شل ساعته محاصرې وروسته پای ته رسېدلې ده.
د «اتحاد المجاهدین پاکستان» په نوم یوې وسلهوالې ډلې، چې د تحریک طالبان پاکستان یا ټي ټي پي له یوې څانګې سره تړاو لري، د برید مسوولیت منلی دی.
پولیس وايي، برید د جمعې په ورځ د کوهاټ د زاړه پولیس لاین په ودانۍ کې د چاودنې او وسلهوالو په ننوتلو پیل شوی و.
دغه مرکز د ترهګرۍ ضد څانګې او د پولیسو د نورو مهمو ادارو دفترونه هم لري.