د افغانستان د کرکټ ملي او ۱۹ کلنو لوبډلې به سبا چهارشنبه د بنګلهدېش له ملي او ۱۹ کلنو لوبډلو سره په یوې ورځنیو سیالیو کې مخامخ شي.
د افغانستان د ملي لوبډلې لوبه په ابوظبي او د ۱۹ کلنو لوبډلې لوبه په عمان کې ترسره کېږي.
د افغانستان ملي لوبډلې تېره ورځ زمبابوې ته په لوی توپیر ماتې ورکړه، خو له بنګلهدېش سره یې راتلونکې لوبه د یوې سختې سیالۍ په توګه ارزول کېږي.
بل لور ته، د افغانستان د ۱۹ کلنو لوبډلې په وروستۍ سیالۍ کې ۳۰۴ منډې جوړې کړې، خو د بنګلهدېش ۱۹ کلنو لوبډلې هم د هدف په تعقیب کې همدومره منډې وکړې او لوبه مساوي پای ته ورسېده. په دې سیالۍ کې دوو افغان لوبغاړو نیمهسلیزې ووهلې او لوبډلې ټول ۵۰ اوورونه بشپړ کړل.