د کاناډا، ډنمارک، فرانسې، جرمني، ایټالیا، جاپان، هالنډ او بریتانیا د بهرنیو چارو وزیرانو د ۲۰۲۶ کال د اکتوبر پر ۹مه په یوه ګډه اعلامیه کې د جرمونو نړیوالې محکمې (ICC) د خپلواکۍ او فعالیتونو ملاتړ کړی او د امریکا له خوا پر محکمې د بندیزونو له اعلان سره یې مخالفت څرګند کړی دی.
دغو هیوادونو ویلي، دغه بندیزونه به د محکمې پر کار، کارکوونکو او د هغوی پر کورنیو منفي اغېز وکړي.
د امریکا حکومت وايي، دغه اقدام د امریکايي وګړو، پوځیانو او چارواکو د حاکمیت او خوندیتوب لپاره کوي، ځکه د واشنګټن په باور نړیواله محکمه پر امریکایانو د قضايي صلاحیت واک نه لري.
امریکا د محکمې غړې نه ده او د هغې صلاحیت ردوي.