ملا عبدالغنی برادر آخند معاون اقتصادی ریاست الوزراء حکومت طالبان در مراسم هفته ویژه جمعیت هلال احمر افغانی گفته است که کمک به نیازمندان و همکاری با یکدیگر از مسوولیت‌های مهم در اسلام به شمار می‌رود.
برادر همچنان تأکید کرده است که رسیدگی به نیازمندان تنها مسوولیت نهادهای دولتی نیست بلکه تاجران، کارکنان و سایر شهروندان نیز در این زمینه مسوولیت دارند.
بر اساس این گزارش ملا برادر از فعالیت‌های جمعیت هلال احمر افغانی در زمینه کمک به نیازمندان و ارایه خدمات به آسیب‌دیدگان یاد کرده است.
معاون اقتصادی ریاست الوزراء حکومت طالبان همچنان از دفتر هیأت معاونت سازمان ملل متحد در افغانستان (یوناما) خواسته است که گزارش‌های خود را با درنظرداشت واقعیت‌های موجود در افغانستان تهیه و نشر کند.
