په کابل کې د ابوحنیفه نندارتون جوړېدل د هېواد د سوداګرۍ، اقتصادي ودې او سیمهییزې همکارۍ د پراختیا لپاره یو مثبت ګام بلل شوی دی.
د افغانستان د سولې په چارو کې د امریکا پخواني ځانګړي استازي زلمي خلیلزاد ویلي، دغه نندارتون کولای شي د افغانستان، د سیمې هېوادونو او له سیمې هاخوا هېوادونو ترمنځ د سوداګریزو اړیکو او پرمختګ په وده کې مهم رول ولوبوي.
ازبکستان، ترکیه، ترکمنستان، قزاقستان او تاجکستان هغه هېوادونه دي چې له افغانستان سره د سیمهییزې سوداګرۍ او اقتصادي همکاریو د پراختیا په برخه کې مهم فرصتونه لري.
د دې ډول نندارتونونو دوام کولای شي د افغانستان د اقتصادي ودې، د سوداګریزو اړیکو د پراختیا او له سیمهییزو بازارونو سره د هېواد د نښلېدو لپاره نوې لارې پرانیزي.