فضلي: افغانستان د شاه شجاع تر وخت هم زیات منزوي شوی؛ د ولسي انسجام پرته بله لار نشته

د افغانستان د اکثریت ګوند مشر ډاکتر فضل محمود فضلي وايي، افغانستان په داسې کچه له نړیوالې انزوا او «پروټکټریت» وضعیت سره مخ دی چې د ده په وینا، ان د شاه شجاع په دوره کې هم ساری نه لري.

هغه ادعا کوي چې له واشنګټن، مسکو او بروکسل څخه د پاکستاني بمباریو او د افغانستان د ځمکنۍ بشپړتیا پر وړاندې د یرغل توجیه کېږي.

فضلي ټینګار کړی چې د ولسي انسجام پیاوړتیا باید لومړیتوب وي او افغانان باید «د بهرنیانو دروازې ونه ټکوي».