د رویټرز یوه نظرپوښتنه ښيي چې د منځنۍ اسیا د ډېرو مخ پر ودې هېوادونو د اسعارو پر وړاندې د پانګهوالو بدبیني زیاته شوې ده.
د راپور له مخې، په منځني ختیځ کې د کړکېچونو زیاتېدو او د امریکا د خزانې د بانډونو د حاصلاتو لوړېدو د سیمې پر اسعارو فشار ډېر کړی دی.
رویټرز وايي، سعودي عربستان ته نږدې د تېلو د زیربناوو پر وړاندې د بریدونو له امله د تېلو بیه په یوه پړاو کې له ۱۰۰ ډالرو اوښتې، چې د انرژۍ واردوونکو آسیایي هېوادونو د وارداتو لګښتونه یې زیات کړي او د هغوی پر سوداګریزو توازونونو او اسعارو یې فشار راوستی دی.
په داسې حال کې چې د تایلنډ بات، هندۍ روپۍ او مالیزیايي رینګټ پر وړاندې هم د پانګهوالو د کمزورۍ تمې زیاتې شوې دي.
د نظرپوښتنې له مخې، د فلیپین پیسو پر وړاندې د کمزورۍ شرطونه تر څلورو میاشتو ډېرې لوړې کچې ته رسېدلي.
رویټرز زیاتوي، د اندونیزیايي روپۍ په اړه د پانګهوالو دریځ بیا لږ ښه شوی او د لنډو معاملاتو یوه برخه یې کمه کړې ده؛ په داسې حال کې چې د تایوان ډالر، سنګاپور ډالر او جنوبي کوریا وون په اړه د پانګهوالو خوشبینانه دریځونه کم شوي دي.